اسلام آباد (این این آئی)وفاقی وزیر داخلہ رانا ثنائ اللہ خان نے کہا ہے کہ پی ٹی آئی گذشتہ رات سے اپنے خلاف فیصلے کی صورت میں احتجاج کیلئے کال اپنے کارکنان اورعوام کو باہر لانے کیلئے ایڑی چوٹی کا زور لگا رہی تھی،الیکشن کمیشن کا فیصلہ آنے کے بعد میڈیا اورسوشل میڈیا پرکال دی گئی۔ عمران خان کے بیان پراپنے ردعمل میں وفاقی وزیر داخلہ رانا ثناء اللہ نے کہا کہ عوامی ریسپانس اعداد وشمارکی صورت حاضر ہے،کسی بھی شہر سے 30/40 سے زیادہ افراد باہر نہیں نکلے۔انہوں نے کہا کہ خان صاحب، احتجاج تو کب کا ختم ہوچکا؛ آپ کس کو کہہ رہے ہیں کہ احتجاج ختم کردو،آپ کا لانگ مارچ جہاد نہیں، ایک چور کا چوری کی سزا سے بچنے کا واویلا ہوگا۔خان صاحب، الیکشن کمیشن فیصلے کے بعدعوام آپکی چوری میں آپکا ساتھ نہیں دیں گے۔
