اسلام آباد (این این آئی) کینیا پولیس کی مبینہ فائرنگ میں قتل کیے گئے سینئر صحافی ارشد شریف کی نماز جنازہ اسلام آباد کی فیصل مسجد میں ادا کی گئی جس میں عوام کی بڑی تعداد نے شرکت کی۔ارشد شریف کا جسد خاکی ان کے گھر سے فیصل مسجد کیلئے روانہ کیا گیا جہاں ان کی نماز جنازہ ادا کی گئی، نماز جنازہ میں شرکا ء کو جامہ تلاشی کے بعد داخل ہونے کی اجازت دی گئی، نماز جنازہ میں سیاست دانوں، صحافی برادری سمیت عوام کی بڑی تعداد نے شرکت کی۔ارشد شریف کی تدفین کی تیاریاں مکمل کرلی گئی ہیں، ان کی تدفین ایچ 11 قبرستان میں ان کے والد اور شہید بھائی کی قبر کے قریب کی گئی ۔ارشد شریف کی نماز جنازہ کیلئے سیکیورٹی کے غیر معمولی انتظامات کیے گئے تھے، شاہ فیصل مسجد کے اردگرد اسلام آباد پولیس اور ایف سی کی بھاری نفری تعینات کی گئی تھی۔انتظامیہ کی جانب سے جاری بیان کے مطابق اسلام آباد پولیس کی معاونت کیلئے سندھ پولیس، ایف سی بھی تعینات کی گئی تھی، مجموعی طور پر 3 ہزار 792 سیکیورٹی اہلکار فیصل مسجد کے اطراف میں تعینات کیے گئے تھے، 3 ایس پیز، 5 اے ایس پیز، ڈی ایس پیز نے سیکیورٹی انتظامات کی نگرانی کی، فیصل مسجد کے اطراف میں سیکیورٹی پر 6 انسپکٹرز، ایک ہزار 10 کانسٹیبلز تعینات کیے گئے، سندھ پولیس کے 204، ایف سی کے 2 ہزار 500 اہلکار سیکیورٹی پر مامور تھے۔گزشتہ روز اسلام آباد کے پمز ہسپتال میں سینئر صحافی ارشد شریف کا پوسٹ مارٹم کیا گیا تھا، پمز کے 8 رکنی میڈیکل بورڈ نے ارشد شریف کا پوسٹ مارٹم کیا تھا۔خیال رہے کہ معروف صحافی اور اینکر ارشد شریف کو 23 اکتوبر کو کینیا کے دارالحکومت نیروبی میں فائرنگ کرکے قتل کردیا گیا تھا۔
مقبول خبریں
بحرین کے فرماں روا نے مشرقِ وسطی پر عالمی کانفرنس بلانے کا مطالبہ کردیا
منامہ(این این آئی)بحرین میں عرب لیگ کے 33 ویں سربراہ اجلاس کے اختتام پر جاری کردہ اعلامیے میں دو ریاستی حل تک فلسطین میں...
رفح میں کسی بھی آپریشن سے قبل شہریوں کا تحفظ ناگزیر ہے،امریکہ
واشنگٹن(این این آئی)امریکی محکمہ دفاع لائیڈ آسٹن نے اسرائیلی وزیر دفاع یوآو گیلنٹ سے فون پربات کرتے ہوئے زور دیا ہے کہ رفح میں...
عالمی برادری فلسطینی بھائیوں کے خلاف وحشیانہ جارحیت بند کرائے،شہزادہ سلمان
منامہ(این این آئی)سعودی عرب کے ولی عہد اور وزیر اعظم شہزادہ محمد بن سلمان نے کہا ہے کہ مملکت فلسطینی ریاست کے قیام اور...
فرانسیسی شہری 13 ممالک سے پیدل ہوتا ہوا عمرہ کرنے پہنچ گیا
پیرس (این این آئی)فرانس کا ایک شہری 13 ممالک سے گزرتا ہوا، طویل سفر پیدل طے کرکے عمرہ ادائیگی کے لیے سعودی عرب...
لائیو اسٹاک سے انسان کو برڈ فلو لگنے کا پہلا کیس سامنے آگیا
واشنگٹن(این این آئی)لائیو اسٹاک سے انسان کو برڈ فلو لگنے کا پہلا کیس امریکہ میں سامنے آیا ہے۔ مریض ایک ڈیری فارمر ہے جسے...