اسلام آباد(این این آئی)پی ایچ اے فاونڈیشن ملازمین نے احتجاج چوتھے روز بھی جار ی رکھتے ہوئے کہاہے کہ افسران بالا کو غریب ملازمین کا حق نہیں کھانے دیا جائیگا۔ رہا ۔ ملازمین نے مطالبہ کیا کہ سابق پالیسی کے تحت بنیادی اسکیل نمبر 01-10 تک کو ای ٹائپ فلیٹس سیکٹر جی الیون تھری ، وفاقی کالونی لاہور اور بنیادی اسکیل نمبر 11تا 16 کو ڈی ٹائپ فلیٹس سیکٹر جی ٹین ٹو، سیکٹر آئی الیون ، سیکٹر آئی بارہ اور وفاقی کالونی لاہور میں دئیے جائیں۔ ملازمین کے مطابق 35 ویں بورڈ میں فیصلہ ہوا تھا لیکن ایک سال کا عرصہ گزرنے کے باوجود عمل درآمد نہیں ہو پایا جس کی بنیادی وجہ راجہ عبدالمنعم صابر اور فتح علی خان ہیں جو کہ وزارت مکانات و تعمیرات اور ڈیپوٹیشن پر آئے ملازمین کو نوازنا چاہتے ہیں تا کہ ا ن کے موجودہ عہدے برقرار رہیں کیونکہ راجہ عبدالمنعم صابر پہلے ہی سات عہدوں پر براجمان ہے اور اس کو ڈاکٹر شائستہ نزہت کی پشت پناہی حاصل ہے جو کہ وفاقی وزیر کی ڈائریکٹر کے طور پر کام کر رہی ہے۔ ملازمین نے مطالبات کے من و عن تسلیم کئے جانے تک احتجاج جاری رکھنے کا اعلان کیا اور کہا کہ افسران بالا کو غریب ملازمین کا حق نہیں کھانے دیا جائے گا، اس احتجاج سے دفتر کے امور ٹھپ ہو گئے لیکن افسران بالا کہ سر پہ جوں نہیں رینگی۔
