اسلام آباد (این این آئی)وزیر داخلہ رانا ثناء اللہ خاں نے کہاہے کہ صحافی صدف نعیم کی موت کی تحقیقات کرائی جائے ۔ اپنے بیان میں انہوںنے کہاکہ موقع پر موجود صحافیوں کے انکشافات کے بعد معاملہ مشکوک ہوگیا ہے ،پنجاب حکومت کی قانونی ذمہ داری ہے کہ ایک بے گناہ خاتون رپورٹر کی دردناک موت کی تحقیق کرائے۔ انہوںنے کہاکہ جاں بحق خاتون رپورٹر کے ساتھی صحافیوں کا بیان ہے کہ صدف کو دھکا دیا گیا ،دھکا دینے والے شخص کو گرفتار کیا جائے، قانون کے تقاضے پورے کئے جائیں ،اس شہادتی بیان کے بعد ضروری ہے کہ واقعہ کی تحقیقات ہوں۔انہوںنے کہاکہ پنجاب حکومت نے اپنی قانونی اور انسانی ذمہ داری پوری نہ کی تو وفاقی حکومت اپنا قانونی فرض ادا کرے گی۔
