لاہور( این این آئی) گلوکار و اداکار اذان سمیع خان نے کہا ہے کہ وہ اپنے والد کو بہت کم اپنی میوزیکل کمپوزیشن سناتے ہیں۔ایک انٹر ویو میں اذان سمیع نے کہا کہ مجھے لگتا ہے شاید میںابھی تک اپنے والد کے معیار کی کمپوزیشن نہیں بنا پایا ۔انہوںنے کہا کہ جب میں اپنے کام سے خود بہت مطمئن ہوتا ہوں تب کمپوزیشن سناتا ہوں ورنہ نہیں ۔جب مجھے لگتا ہے کہ میرے کام میں دو چار غلطیاں ہیں جنہیں صحیح کرنا ہے تو میں نہیں سنائوں گا ۔ایسا اس لیے کیونکہ مجھے معلوم ہے کہ اگر میں نے بنا کر فوری سنادی تو ان غلطیوں کے ساتھ دس اور غلطیاں نکالی جائیں گی ۔ بہتر ہے کہ میں پہلے سے ہی اپنا کام سو فیصد درست کرکے انہیں سنائوںتاکہ جب وہ اس میں دس مسائل نکالیںتو میں ان پر دھیان دے سکوں ۔
