برسلز(این این آئی)افغان ڈونر کانفرنس 24 اور 23 نومبر کو جنیوا میں ہوگی۔ غیرملکی خبررساں ادارے کے مطابق برسلز میں یورپی یونین نے بتایا کہ افغانستان میں ترقی اور جمہوریت پوری دنیا کے مفاد میں ہے۔یورپی یونین نے کا کہنا تھا کہ افغانستان میں ہم نے 20 سال تک امن کے لیے سرمایہ کاری کی ہے۔ افغانستان میں امن بہت پیچیدہ اور مشکل ہے۔ افغانستان میں پچھلے پانچ سالوں میں تشدد میں اضافہ ہوا ہے۔یورپی یونین نے کہا کہ پاکستان کے پاس افغانستان کے مسئلے کا حل ہے۔ وزیراعظم پاکستان کا دورہ کابل بہت حوصلہ افزا ہے۔ پاکستان کے پاس افغانستان کے بیشتر مسائل کا حل ہے۔یورپی یونین نے کہا کہ دوحہ معاہدہ کے باوجود تشدد ہورہا ہے۔ وہاں سے اس وقت نکل جانا ہمارے مفاد میں نہیں۔ افغانستان کی مالی امداد خواتین کی صورتحال بہتر بنانے سے مشروط ہے۔ یورپی یونین کا کہنا تھا کہ خواتین کو ترقی کے عمل سے دور رکھنے کی اجازت نہیں دی جاسکتی۔
