پشاور (این این آئی)معاون خصوصی وزیراعلی خیبر پختونخوا بیرسٹر محمد علی سیف نے کہا ہے کہ کالعدم ٹی ٹی پی اور حافظ گل بہادر گروپ کے درمیان صلح کیلئے کردار ادا کرنے کو تیار ہوں۔بیرسٹر محمد علی سیف نے ایک انٹر ویو میں کہا کہ حافظ گل بہادر گروپ جنگ بندی کر کے حکومت کے ساتھ بات چیت کرے، بندوق برداروں کا بندوق کے ذریعے پاکستان پر قبضہ ناممکن ہے۔انہوںنے کہاکہ ہم افغانستان گئے، مذاکرات میں پیشرفت ہوئی، مفتی نور ولی نے جون میں سیز فائر کا اعلان کیا لیکن کچھ غلط فہمیوں اور کچھ وجوہات کی وجہ سے سیز فائر برقرار نہ رہ سکا۔بیرسٹر سیف نے کہا کہ ان کے کردار کے بارے میں سراج الدین حقانی اور ٹی ٹی پی سے پوچھ لیں، انہوں نے حزب اسلامی کے ساتھ ڈاکٹر نجیب کے خلاف جہاد کیا۔
