راجہ محمد فاروق حیدر خان کی قیادت میں لیگی کارکنان کی سراں سے لیکر چکوٹھی تک اظہار تشکر ریلی

0
114

ہٹیاں بالا،چناری،چکوٹھی(این این آئی)سابق وزیراعظم آزادکشمیر و مرکزی نائب صدر مسلم لیگ ن راجہ محمد فاروق حیدر خان کی قیادت میں مسلم لیگ ن کے کارکنان کی سراں سے لیکر چکوٹھی تک اظہار تشکر ریلی سینکڑوں کی تعداد میں مسلم لیگ ن کے کارکنان کی شرکت بھرپور نعرے بازی ڈھول کی تھاپ پر بھنگڑے جیوے نوازشریف جیوے فاروق حیدر کے نعرے ضلع جہلم ویلی کے داخلی مقام پر نومنتخب ممبر ضلع کونسل راجہ انور حسین کی قیادت میں مسلم لیگ ن کے کارکنان نے پرتپاک استقبال کیا کنینہ چھٹیاں، سراں کے مقام پر مسلم لیگ ن کے کارکنان نے بھرپور جشن منایا سراں میں راجہ انور حسین کی رہائش گاہ پر کارکنان سے گفتگو کرتے ہوے راجہ فاروق حیدر خان نے کہا کہ ضلع جہلم ویلی کے دونوں حلقوں سے مسلم لیگ ن کو تاریخی ووٹ ملے کارکنان نے محنت کی پیسے اور لالچ کو مسترد کردیا ہٹیاں بالا میونسپل کمیٹی پہنچنے پر نومنتخب ممبر سجاول خان فرید خان کی قیادت میں کارکنان نے شاندار استقبالیہ دیا اس موقع پر کارکنان کے اعزاز میں ظہرانہ بھی دیا سڑک چناری پہنچنے پر ایک بہت بڑے جلوس کی شکل میں نومنتخب ممبر ضلع کونسل راجہ عظیم زاہد ایڈووکیٹ اور مرزا آصف کی قیادت میں پرتپاک استقبال کیا گیا راجہ فاروق حیدر خان کو ایک بڑے ٹرک پر سے چناری بازار سے سینکڑوں افراد کے جلوس کے ہمراہ گزرے بازار میں بڑے جلوس سے خطاب کرتے ہوے راجہ محمد فاروق حیدر خان نے کہا کہ عوام نے نوازشریف کے نظریہ پر اعتماد کا اظہار کیا ہے آزادکشمیر سے تبدیلی کی باقیات کو گھر بھیجنے کا وقت ہوا چاہتا ہے چکوٹھی لائن آف کنٹرول پہنچنے پر نومنتخب ممبر ضلع کونسل شیخ صادق کی قیادت میں مسلم لیگ ن کے کارکنان نے بہت بڑی تعداد میں استقبال کیا انہیں ایک بہت بڑے جلوس کی شکل میں جلسہ گاہ لایا گیا جہاں خطاب کرتے ہوئے راجہ فاروق حیدر خان نے کہا کہ علاقے کے عوام نے ترقی خوشحالی اور میرٹ کے ویثرن کو ووٹ دیے ہیں پاکستان کی معاشی اقتصادی اور معاشرتی تباہی کی ذمہ دار پی ٹی آئی ہے قومی اداروں کو متنازعہ بنانے کے پوری کوشش کی گئی مگر عوام ان کی حقیقت جانتے ہیں پاکستان میں محمد شہباز شریف کی قیادت میں اتحادی حکومت نے ملک کی خاطر کڑوا گھونٹ پیا سیاست نہیں ریاست بچانے کے لیے آگے بڑھے ہم نے اتحاد سے ملک دشمن قوتوں کو ناکام بنانا ہے۔