راولپنڈی(این این آئی)قومی ٹیم کے کپتان بابر اعظم نے کہا ہے کہ امید ہے پیٹ کے انفیکشن سے متاثرہ انگلینڈ کے کھلاڑی جلد صحتیاب ہوں گے اور خواہش ہے کہ پوری مہمان ٹیم میدان میں اترے۔پریس کانفرنس کرتے ہوئے بابر اعظم نے کہا کہ انگلینڈ کے خلاف جمعرات سے ہماری ٹیسٹ سیریز شروع ہیں جس کی تیاری کیلئے ہمیں ایک ہفتہ ملا مگر بحیثیت ٹیم ہم پرعزم ہیں۔بابر اعظم نے کہا کہ سابق کرکٹر محمد یوسف سے سیکھتے ہیں کیونکہ انہوں نے ماضی میں انگلینڈ کے خلاف بھی میچ کھیلے ہیں تو ان کے تجربات سے مدد ملتی ہے۔انہوں نے کہا کہ ہماری کوشش ہوگی کہ فاسٹ باؤلر اور اسپنرز کو ساتھ لے کر چلیں۔انگلینڈ ٹیم کے کچھ کھلاڑیوں کو پیٹ کے انفیکشن پر بات کرتے ہوئے بابر اعظم نے کہا کہ ہمیں یہ خبر ملی ہے مگر امید ہے کہ وہ جلد ہی ریکور ہوں گے اور ہم چاہیں گے ان کی پوری ٹیم کھیلے۔انہوں نے کہا کہ پاکستانی ٹیم کی تینوں فارمٹس میں قیادت کرنا میرے لیے فخر کی بات ہے اور اس میں پریشر کی کوئی بات نہیں ہے کیونکہ وقت کے ساتھ اتار چڑھاؤ چلتا رہتا ہے مگر ہم سو فیصد نتائج دیں گے۔کپتان نے کہا کہ ہم بہت پرجوش ہیں کیونکہ ہمارے لیے یہ کافی اہم سیریز ہے اور سنہری موقع ہے لہٰذا کوشش ہوگی کہ اچھی کرکٹ کھیلیں اور نتیجہ دیں۔انہوں نے کہا کہ کرکٹ میں اتار چڑھاؤ آتا رہتا ہے اور غلطیاں بھی ہوتی رہی ہیں جن سے ہم سیکھتے ہیں اور ہمیں ابھی بہت سیکھنا ہے اور بہت کچھ کرنا ہے۔قومی ٹیم کے کپتان نے کہا کہ ٹیسٹ میچ مختلف ہے جس میں اگر حالات اور سیشنز کے مطابق کھیلا جائے تو کبھی کبھی ڈیفنس بھی اعتماد دیتا ہے اس لیے اس میں سوچ کر کھیلنا ہوتا ہے کہ کس طرح اور کب اٹیک کرنا ہے کیونکہ کہ کسی ایک سیشن سے میچ جیتا بھی جا سکتا ہے اور ہار بھی ہو سکتی ہے۔انہوں نے کہا کہ جب بھی ہوم کنڈیشنز میں کھیلا جاتا ہے تو کوشش ہوتی ہے کہ ایسی وکٹس بنائی جائیں جو باؤلنگ اور بلے بازی کے مطابق ہو اور میں نے جتنی بھی وکٹس دیکھی ہیں امید ہے ان سے نتیجہ ملے گا۔بابر اعظم نے کہا کہ موسم کا فرق ہے اور یہاں سرد موسم ہے جس سے باؤلر اور اسپنرز کو فائدہ ملے گا کیونکہ یہاں آسٹریلیا سے مختلف وکٹ ہے۔
مقبول خبریں
پشاور زلمی کے ہیڈ کوچ ڈیرن سیمی کراچی پہنچ گئے
کراچی( این این آئی) پاکستان سپر لیگ (پی ایس ایل) کے آٹھویں ایڈیشن کے لیے پشاور زلمی کے ہیڈ کوچ ڈیرن سیمی کراچی پہنچ...
بھارتی ٹیم پاکستان نہیں جائے گی لیکن پاکستان ہندوستان ورلڈکپ کھیلنے آئیگا’ بھارتی اسپنر...
مبئی ( این این آئی) بھارتی اسپنر روی چندران ایشون نے پاکستان میں شیڈول ایشیاکپ 2023ء کے حوالے سے تبصرہ کرتے ہوئے کہا ہے...
آسٹریلیا کی ٹی ٹونٹی ٹیم کے کپتان ایرون فنچ کا ریٹائرمنٹ کا اعلان
کینبرا ( این این آئی) آسٹریلوی ٹی ٹونٹی ٹیم کے کپتان ایرون فنچ نے انٹرنیشنل کرکٹ سے ریٹائرمنٹ کا اعلان کر دیا ۔...
مشکل کی گھڑی میں پاکستانی قوم ترکیہ وشام کے ساتھ کھڑی ہے’متحدہ علما کونسل
لاہور ( این این آئی)متحدہ علما کونسل پاکستان کے چیئرمین مولانا عبد الر وف ملک،مرکزی صدر مولانا زاہد الراشدی،سیکرٹری جنرل سردار محمد خان لغاری...
کیمیکل انڈسٹری کے لیے کاروبار میں آسانی پیدا کرنے کے لیے فوری اقدامات ہونے...
لاہور( این این آئی )گورنر پنجاب محمد بلیغ الرحمان نے کہا ہے کہ کیمیکل سیکٹر میں ترقی کے مواقع اور ملک کی موجودہ معاشی...