لندن /مانچسٹر(این این آئی)پاکستان مسلم لیگ (ن )کے سربراہ محمد نوازشریف نے جلد وطن واپسی کی خواہش کا اظہار کرتے ہوئے کہا ہے کہ آئندہ انتخابات میں مسلم لیگ دو تہائی اکثریت حاصل کرے گی ۔لندن میں قائد مسلم لیگ( ن) اور تین دفعہ پاکستان کے وزیراعظم میاں محمد نواز شریف سے چیف کوآرڈنیٹر انٹر نیشنل افیئر مسلم لیگ(ن )بیرسٹر امجد ملک نے ملاقات کی جس میں نواز شریف کی وطن واپسی اور ملک کی موجودہ صورتحال سمیت مختلف امور پر تبادلہ خیال کیا گیا ۔سابق وزیر اعظم نے گزشتہ دور حکومت میں کارکردگی کے پیدا ہونے والی معاشی صورتحال بارے اپنی تشویش اور جلد جانے کی خواہش کا اظہار کیا ۔ دونوں رہنمائوں نے دوپہر کا کھانا بھی ساتھ کھایا۔ میاں نواز شریف نے حس مزاح ، برجستگی اور اشعار کا بھرپور استعمال کیا۔بیرسٹر امجد ملک کے مطابق نواز شریف ملک کے فکر مند ہیں یہ پاکستان کیلئے نیک شگون ہے۔
