لاہور( این این آئی)وزیراعلی پنجاب چودھری پرویزالٰہی نے بنوں میں دہشتگردوں کے خلاف کامیاب آپریشن پر سکیورٹی فورسز کو خراج تحسین پیش کرتے ہوئے پاک فوج کے جوانوں کی بہادری اور جرت کی تعریف کی ۔ انہوں نے اپنے بیان میں کہا کہ سکیورٹی فورسز نے بہادری کے ساتھ دہشتگردوں کے مذموم عزائم کو ناکام بنایا،سکیورٹی فورسز کے افسروں اور اہلکاروں کو سلام پیش کرتے ہیں،دہشتگردی کے ناسور کے خاتمے کے لئے پوری قوم یکسو ہے۔ وزیر اعلیٰ پنجاب نے شہید ہونے والے 3 فوجی جوانوں کی عظیم قربانی کو خراج عقیدت پیش کرتے ہوئے کہا کہ شہدا ء کے لواحقین سے دلی ہمدردی اوراظہار تعزیت کرتے ہیں،ہم شہدا ء کی قربانیوں کو قدر کی نگاہ سے دیکھتے ہیں،ملک میں امن کی آبیاری کیلئے شہدا ء کی عظیم قربانیوں کو فراموش نہیں کیا جاسکتا،ہماری تمام تر ہمدردیاں شہدا ء کے لواحقین اورزخمیوں کے ساتھ ہیں۔چودھری پرویز الٰہی نے سکیورٹی فورسز کے زخمی افسران اور جوانوں کی جلد صحت یابی کیلئے دعا بھی کی۔
