لاہور( این این آئی) پاکستان تحریک انصاف کے چیئرمین عمران خان کی زمان پارک میں قائم رہائش گاہ کے باہر اسکول ٹیچرز کا دھرنا کامیاب مذاکرات کے بعد ختم ہوگیا۔زمان پارک کے سامنے سیکنڈری اسکول اساتذہ کی جانب سے احتجاج کیا گیا، مظاہرین کی پیش قدمی کو روکنے کے لیے اینٹی رائٹس کے دستے اور پولیس کی بھاری نفری زمان پارک پہنچی اور عمران خان کی رہائش گاہ کو جانے والے راستوں پر سکیورٹی سخت کی گئی۔ زمان پارک کے باہر واٹر کینین اور قیدیوں والی وین پہنچائی گئی۔ٹیچرز سخت سردی کے باوجود کئی گھنٹے تک زمان پارک کے باہر احتجاج پر بیٹھے رہے جس کے بعد انتظامیہ نے مذاکرات کیے جو کامیاب ہوگئے۔ احتجاجی اساتذہ کے رہنما نے بتایا کہ مذاکرات خوش اسلوبی سے مکمل ہوئے اور حکومت نے گریڈ سولہ کے کنٹریکٹ اساتذہ کو مستقل کرنے کا نوٹیفکیشن جلد جاری کرنے کی یقین دہانی کرائی ہے۔پنجاب بھر کے اساتذہ پانچ دن سے کلب چوک، مال روڈ اور کینال روڈ پر زمان پارک کے باہر دھرنا دے رہے تھے، مظاہرین کا کہنا تھا کہ 10ہزار سے زائد اساتذہ 14 سال سے کنٹریکٹ پر کام کر رہے ہیں، حکومت وعدے کرتی ہے لیکن مستقل نہیں کرتی۔جمعے کی شام بھی خون جمادینے والی سردی میں مظاہرین نے زمان پارک کے باہر دھرنا دیا۔اساتذہ کی جانب سے دیئے گئے دھرنے میں شدید سردی کے باوجود بچے اور خواتین بھی شامل رہے۔دھرنے کے باعث مال روڈ، مغل پورہ اور ملحقہ سڑکوں پر ٹریفک جام رہا۔اساتذہ کا مطالبہ تھا کہ پنجاب حکومت اساتذہ کو نوکریوں پر مستقل کرے۔
مقبول خبریں
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...
بائیڈن ڈونلڈ ٹرمپ سے مباحثے کیلئے تیار
واشنگٹن(این این آئی)امریکا کے صدر جوبائیڈن سابق صدر ڈونلڈ ٹرمپ سے مباحثے کے لیے تیار ہوگئے۔غیرملکی کبررساں ادارے کے مطابق امریکی صدر نے کہا...
فلسطینیوں سے اظہار یکجہتی کیلئے مظاہروں کو عوامی حق سمجھتے ہیں، امریکا
واشنگٹن(این این آئی)امریکی وزیر خارجہ انٹونی بلنکن نے فلسطینیوں سے اظہار یکجہتی کے لیے امریکا میں ہونے والے مظاہروں پر تبصرہ کرتے ہوئے کہاہے...
اسرائیل کی حزب اللہ سے بھرپور جنگ کیلئے تیاریاں تیز
واشنگٹن(این این آئی)امریکی جریدنے نے انکشاف کیا ہے کہ ایران اور اس سے منسلک ملیشیائوں کے ساتھ تنازعات میں بڑھتے ہوئے خطرات کی روشنی...