لاہور ( این این آئی) عوامی مسلم لیگ کے سربراہ و سابق وزیر داخلہ شیخ رشید احمد نے کہا ہے کہ ہائیکورٹ کے حکم پر اسلام آباد میں بلدیاتی الیکشن نہیں ہوئے، الیکشن جب بھی ہوگا تیرا پارٹیوں کے خلاف اسلام آباد میں ریفرینڈم ہوگا جوعوام کے ساتھ ہاتھ کرے گا وہ پچھتائے گا۔انہوں نے سماجی رابطے کی ویب سائٹ ٹوئٹر پر جاری اپنے بیان میں کہا کہ ترسیلات زربرامدات اور سرمایہ کاری میں کمی مہنگائی تیس فیصد بڑھ گئی، دس جنوری تک ایک اعشاریہ تین ارب ڈالر دینے ہیں نئے سال ایم کیوایم ایک اور باپ پارٹی نیک ہوجائیگی۔انہوں نے کہا کہ دس ماہ میں اپنے کیسز ختم اور غریب سے روٹی کا نوالہ چھین لیا عنقریب ان کے کیسوں کا اور اوورسیز ووٹوں کا فیصلہ سپریم کورٹ کرے گی۔شیخ رشید نے کہا کہ معاشی سیاسی تباہی قومی سلامتی تک پہنچ گئی ،ٹیکنیکل یا نگران حکومت ٹیکنیکلی ڈیفالٹ میں کیا کرے گی؟ ستتر وزرا میں اسحاق ڈار کی جعلی منصوبہ بندی اور بلاول کے فضائی دورے سب ناکام ہوئے۔
