اسلام آباد (این این آئی) پاکستان مسلم لیگ (ن) طارق فضل چوہدری نے کہا ہے کہ عدالت کا احترام کرتے ہیں ، ایک رات میں انتظامات ممکن نہیں ۔ میڈیا سے گفتگو کرتے ہوئے انہوںنے کہاکہ عدالت نے اسلام آباد بلدیاتی انتخابات ہفتہ کوانتخابات کرانے کا حکم دیا تھا، عدالت کا احترام کرتے ہیں لیکن ایک رات میں انتظامات ممکن نہیں۔انہوں نے کہا کہ انتظامی طور پر ممکن نہیں تھا کہ ایک دن کے اندر اسلام آباد کے بلدیاتی الیکشن کا انعقاد کیا جائے اسی لیے ہفتہ کو انتخابات نہیں ہوسکے، عدالتی فیصلے کا احترام کرتے ہیں، وفاقی حکومت نے اسلام آباد ہائی کورٹ کے فیصلے کے خلاف انٹر کورٹ اپیل دائر کردی ہے، آگے جو عدالت کا حکم ہوگا اس پر ہم عمل کریں گے۔انہوں نے کہا کہ جھوٹے اور منفی پروپگینڈا جعلی سازوں کی جماعت پی ٹی آئی کی جانب سے ہوا، ان کی سیاست فریب اور جھوٹ پر مبنی ہے، میرا سوال ہے کہ پی ٹی آئی نے اپنے دور حکومت میں اسلام ا?باد میں بلدیاتی انتخابات کیوں نہیں کروائے؟۔
