نیویارک(این این آئی) ہالی ووڈ کی مشہور ہارر سیریز ایول ڈیڈ فرنچائز کی چوتھی فلم ‘ایول ڈیڈ رائز’ کا ٹیزر جاری کر دیا گیا۔ایول ڈیڈ رائز کے ٹیزر میں خوفناک مناظر دکھائے گئے ہیں ٹیزر کو دیکھ کا اندازہ لگایا جا سکتا ہے کہ اس فلم کی کہانی شیطانی طاقتوں اور ایک آسیب زدہ ماں اور اس کے دو بچوں کے گرد گھومتی ہے جس میں ماں کو بلاؤں کے قبضے میں دکھایا گیا ہے۔فلم ساز کا دعویٰ ہے کہ یہ فلم ایول ڈیڈ سیریز کی گزشتہ چار فلموں سے زیادہ خوفناک ہے اور اسے شائقین کی جانب سے بیحد پسند کیا جائے گا۔سوشل میڈیا پر بھی فلم ‘ایول ڈیڈ رائز’ کے ٹیزر کے خوب چرچے ہورہے ہیں اور شائقین اس فلم کا بیصبری سے انتظار کر رہے ہیں۔فلم کے ٹیزر اور پوسٹر میں اس کی ریلیز کا بھی اعلان کیا گیا ہے، خوفناک مناظر سے بھرپور یہ فلم رواں سال 21 اپریل کو سنیما گھروں کی زینت بنے گی۔
