حکمرانوں نے مہنگائی سے عوام کاجینا دو بھر کردیا ہے’مولانا حامد لحق حقانی

0
124

لاہور( این این آئی )امیرجمعیت علما ئے اسلام(س)وچیئرمین دفاع پاکستان کونسل اورنائب مہتمم دارالعلوم حقانیہ اکوڑہ مولانا حامد لحق حقانی نے کہاہے کہ حکمرانوں نے مہنگائی سے عوام کاجینا دو بھر کردیا ہے، بد قسمتی سے ملک میںحکومت ہو یا اپوزیشن ان سب کو ذاتی مفادات اور انا کے علاوہ کچھ بھی نظر نہیںآ رہا،حکمران عوام کوریلیف دینے کیلئے فوری اقدامات کریں اورمہنگائی کاجن قا بو کریں۔ ان خیالا ت کا اظہارانہو ں نے جمعیت علما اسلام(س)کے زیراہتمام اجتماع سے خطاب کر تے ہوئے کیا۔اس موقع پراس موقع پر جمعیت کے مرکزی سیکرٹری جنرل مولانا سید یوسف شاہ، مو لانا محمد اعظم،مو لانا طیب عثمانی، مو لانا رحمت اللہ لا شاری اور علاقائی علما کرام ومعززین بھی موجود تھے ۔مولانا حامد لحق حقانی نے مزید کہاکہ مرکزی وصوبائی حکمرانوں نے ازحد مہنگائی کرکے عوام کا جینا محال کررکھا ہے، حکمران اگر ہفتے کے اندر ریلیف نہ دے سکے تو احتجاج کا حق محفوظ رکھتے ہیں،آئندہ انتخابات میں ناکام ومطلب پر ست سیاست دانوں کے لیے میدان خالی نہیں چھوڑ یں گے۔ انہوں نے کہاکہ جے یو آئی(س)و فا قی وصوبائی تمام حکومتی اراکین سے مطالبہ کرتی ہے کہ مہنگائی کا توڑ کر کے عوام کو ریلیف دیں ورنہ ایک ہفتے کے اندر ہم پر زور وپرامن احتجاج کی کال دینگے، اجتماع میں مو جود جمعیت علما اسلام(س)کے اضلاعی وصوبائی تمام قائدین وکارکنوں نے تاکید کی کہ عوام کی ہر ممکنہ دادرسی کے ساتھ احتجاج کی ہر ہر شہر تیاری کریںگے۔