لاہور ( این این آئی)پاکستان تحریک انصاف کے چیئرمین عمران خان نے کہا ہے کہ پی ٹی آئی کا مقابلہ 30سال سے ملک کا خون چوسنے والی سیاسی جماعتوں سے ہے۔چیئرمین پی ٹی آئی عمران خان نے اپنے ایک بیان میں کہا کہ آج (اتوار )کراچی اور حیدر آباد ڈویژن میں بلدیاتی انتخابات ہو رہے ہیں اور ووٹرز نے کراچی اور حیدرآباد ڈویژن کے بلدیاتی انتخابات میں بھرپور شرکت کرنی ہے۔انہوں نے کہا کہ پی ٹی آئی کا مقابلہ 30سال سے ملک کا خون چوسنے والی سیاسی جماعتوں سے ہے اور ووٹرز نے اپنے ووٹ سے ثابت کرنا ہے کہ نیا پاکستان آرہا ہے۔چیئرمین پاکستان تحریک انصاف عمران خان نے کہا کہ پی ٹی آئی پاکستان کو عروج پر لے جانے والی ایک مختلف سیاست ہو گی۔
