روس سے سستا تیل اور گیس کی خریداری پر مذاکرات، (کل)وزراء کی سطح پرمذاکرات ہونگے

0
259

اسلام آباد (این این آئی)روس سے سستے تیل اور ایل این جی کی خریداری کے معاملے پر پاکستان اسٹریم گیس پائپ لائن پر تین روزہ مذاکرات شروع ہوگئے۔ذرائع کے مطابق پہلے روز ماہرین کی سطح پر مذاکرات ہو ئے جو بین الحکومتی کمیشن کی سطح پر ہو رہے ہیں جبکہ (کل) جمعرات کو ہونے والے اجلاس میں دونوں ملکوں کے وزرا بھی شریک ہوں گے۔ذرائع کے مطابق وزارتی سطح کے اجلاس میں پاکستان کی نمائندگی ایاز صادق کریں گے اور وزیر مملکت پیٹرولیم مصدق ملک بھی شریک ہوں گے۔ذرائع کے مطابق مذاکرات میں روس سے خام تیل، پیٹرول اور ڈیزل کی سستے داموں خریداری پربات ہوگی۔ذرائع کے مطابق روس سے ایل این جی کا حصو ل اورپاکستان اسٹریم گیس پائپ لائن کی تعمیر کامعاملہ بھی ایجنڈے میں شامل ہے۔