لندن(این این آئی) برطانوی وزیر دفاع نے اعلان کیا ہے کہ ان کا ملک یوکرین کو روس سے لڑنے میں مدد کے لیے اضافی 600 بریمسٹون میزائل بھیجے گا۔میڈیارپورٹس کے مطابق بین والیس نے تاپا کے اسٹونین فوجی اڈے پر اپنے کئی یورپی ہم منصبوں کے ساتھ عطیہ دہندگان کی ملاقات کے بعد اس بات کی تصدیق کی کہ ان کا ملک یوکرین کو روس کے خلاف جنگ میں فوجی مدد کے طور بریمسٹون میزائل فراہم کرے گا۔بین والیس نے کہا کہ آج میں کہہ سکتا ہوں کہ ہم جنگی محاذ پر اضافی 600 بریمسٹون میزائل بھی بھیجیں گے ،جو یوکرین کو میدان جنگ میں کنٹرول کرنے میں مدد کرنے کے لیے اہم ہے۔لندن نے اعلان کیا کہ وہ یوکرین کو جنگی ٹینک بھیجے گا، جو اس سلسلے میں کیف کی درخواست پر پورا اترنے والا پہلا ملک ہوگا۔والیس اور اس کے اسٹونین ہم منصب ہنو پیفکور نے ڈونرزکانفرنس کی پہل کی۔جرمنی کے رامسٹین فوجی اڈے پر امریکا کی طرف سے بلائے گئے پچاس ممالک کے اجلاس کے دوران جمعہ کو یوکرین کے لیے فوجی مدد کے بارے میں بات چیت جاری رہی۔والیس نے مزید کہا کہ ہم آج یہاں ہیں اور ہم کل رامسٹین میں ہوں گے تاکہ (روسی)صدر ولادیمیر پوتین کو یہ بات واضح طور پر سمجھائی جائے کہ ہم یوکرین کی حمایت جاری رکھیں گے۔اگر صدر پوتین شرط لگا رہے ہیں کہ ہم اس سال تھک جائیں گیتو وہ غلطی پر ہیں۔ ہم اس سال، اگلے سال اوراس سے اگلے سال کے لیے منصوبے بنائیں گے۔ ہم طویل جنگ لڑنے کے لیے تیار ہیں۔
