لاہور(این این آئی)نگراں وزیراعلیٰ پنجاب محسن نقوی نے عہدے کا حلف اٹھا لیا،اتوار کو گورنر پنجاب بلیغ الرحمن نے محسن نقوی سے حلف لیا ،اس سے قبل الیکشن کمیشن کی جانب سے اپوزیشن اتحاد کی طرف سے دیئے گئے ناموں میں سے ایک محسن رضا نقوی کونگران وزیراعلیٰ پنجاب مقرر کیاگیاتھا،الیکشن کمیشن نے آرٹیکل 224اے کے تحت تقرری کی۔واضح رہے کہ پی ٹی آئی نے محسن نقوی کی بطوروزیراعلیٰ پنجاب تقرری کو کل سپریم کورٹ میں چیلنج کرنے کا اعلان کر رکھا ہے جبکہ اتحادی جماعت ق لیگ بھی تحریک انصاف کے ساتھ ہے۔
