ابو ظہبی( این این آئی) پاکستان مسلم لیگ (ن) کی سینئر نائب صدر و چیف آرگنائزر مریم نواز کو ابوظہبی ایئرپورٹ پر لیگی کارکن نے سونے کا تاج پہنا دیا۔رپورٹ کے مطابق لندن سے پاکستان واپس آنے والی مسلم لیگ (ن ) کی نائب صدر مریم نواز کا ابو ظہبی ائیرپورٹ پر لیگی کارکنان نے شاندار استقبال کیا۔مریم نواز کو ابوظہبی ایئرپورٹ پر لیگی کارکن اور کاروباری شخصیت عمران منج کی جانب سے سونے کا تاج بھی پہنایا گیا۔تاج میں مریم نواز ، بیگم کلثوم نواز مرحومہ اور نواز شریف کی تصویر بھی موجود تھیں۔واضح رہے کہ مریم نواز تقریباً ساڑھے 3ماہ کے بعد وطن واپس پہنچ رہی ہیں وہ اکتوبر کے شروع میں لندن روانہ ہوئی تھیں۔
