کراچی پولیس پر حملہ بھارتی ایجنسی را کی کارروائیوں کا شاخسانہ لگتا ہے، گورنر سندھ

0
647

کراچی (این این آئی)گورنرسندھ کامران ٹیسوری نے کہا ہے کہ کراچی پولیس پرحملہ بھارتی ایجنسی را کی کارروائیوں کا شاخسانہ لگتا ہے۔گزشتہ روز کراچی کے علاقے شارع فیصل پر واقع کراچی پولیس آفس (کے پی او) پر دہشتگروں کے حملے میں دو پولیس اہلکاروں اور رینجرز اہلکار سمیت 4 افراد شہید جبکہ پولیس اور قانون نافذ کرنے والے اداروں کی جوابی کارروائی میں 3 دہشتگرد مارے گئے اور عمارت کو تقریباً 4 گھنٹے بعد کلیئر کرالیا گیا۔واقعہ کے بعد گورنرسندھ کامران ٹیسوری نے ایک انٹرویو میں کہا کہ کراچی پولیس پرحملہ بھارتی ایجنسی را کی کارروائیوں کا شاخسانہ لگتا ہے،اس قسم کے حملوں سے ہمارے حوصلے پست نہیں ہوں گے۔انہوںنے کہاکہ بزدلانہ کارروائیوں کا پہلے بھی مقابلہ کرتے رہے ہیں، اب بھی پرعزم ہیں،بعد ازاں گورنر سندھ کامران ٹیسوی نے جناح ہسپتال کراچی کا دورہ کرتے ہوئے حملے کے زخمیوں کی عیادت کی اور زخمی رینجرز اور پولیس اہلکاروں کے علاج معالجہ کے بارے میں دریافت کیا۔گورنر سندھ نے اہلکاروں سے کہا کہ آپ نے شہر کا امن برقرار رکھنے کے لیے انتہائی جرات کا مظاہرہ کیا