کابل (این این آئی)پاکستانی وزیر دفاع خواجہ محمد آصف کی قیادت میں ایک اعلیٰ سطحی وفد نے کابل میں سینئر افغان رہنمائوں سے ملاقاتیں کیں ۔پاکستانی وفد میں آئی ایس آئی کے سربراہ لیفٹیننٹ جنرل ندیم انجم ، سیکرٹری خارجہ اسد مجید خان ، افغانستان کیلئے پاکستان کے خصوصی نمائندے محمد صادق ، کابل میں پاکستان کے ناظم الامور عبید الرحمن نظامانی اور دیگر سول و فوجی افسران شامل تھے ۔کابل میں پاکستانی وفد نے افغان نائب وزیر اعظم ملا عبد الغنی برادر کے ساتھ تفصیلی مذاکرات کئے ۔کابل سے بدھ کو وزیراعظم کے دفتر سے جاری بیان میں کہاگیاکہ افغان نائب وزیر اعظم نے دونوں ممالک کے درمیان اچھے تعلقات پر زور دیا ۔ انہوںنے چمن اور طور خم پر مسافروں کے لئے اچھی سہولیات کا بھی مطالبہ کیا ۔ افغان بیان کے مطابق ملاقات میں دونوں فریقوں نے باہمی تجارت ، خطے میں ترقیاتی منصوبوں اور اقتصادی تعاون کو توسیع دینے پر گفتگو کی ۔ملابرادر نے کہاکہ پاکستان اور افغانستان دونوں مسلمان پڑوسی ملک ہیں اور دونوں کو اچھے تعلقات رکھنے چاہئیں ،۔ انہوںنے کہاکہ افغانستان کے ساتھ ہر شعبے میں تعاون کو توسیع دیناچاہتا ہے ۔انہوںنے کہاکہ تجارتی اور اقتصادی مسائل کو سیاست سے دو ر رکھنا چاہیے ۔ ملا عبد الغنی برادر نے کہاکہ افغان سائیڈ نے پاکستانی جیلوں میں قید قیدیوں کی رہائی کا بھی مطالبہ کیا ۔انہوںنے افغان مریضوں کو پاکستان جانے کے وقت سہولیات فراہم کر نے کی اپیل کی ۔پاکستانی وفد نے افغان اسلامی امارات کو مسائل کے حل کی یقین دہانی کرائی ۔پاکستانی وفد نے کہاکہ مسائل کے حل کیلئے تمام وزارتوں کی مشترکہ کمیٹی کو کام تیز کر نے کی ہدایت کی جائے گی ۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...