اسلام آباد (این این آئی)وفاقی وزیر اطلاعات سینیٹر شبلی فراز نے کہا ہے کہ کرونا لیڈرز اور عوام میں کوئی تفریق نہیں کرتا،اللہ تعالیٰ بلاول بھٹو زرداری کو شفاء کاملہ عطا فرمائے۔ ٹوئٹر پر اپنے بیان میں انہوںنے کہاکہ اللہ تعالیٰ بلاول بھٹو زرداری کو شفاء کاملہ عطا فرمائے۔ وفاقی وزیر اطلاعات نے کہاکہ بلاول سمیت تمام مریضوں کے لئے نیک تمناؤں کا اظہار کرتے ہیں۔ انہوںنے کہاکہ وباء سے محفوظ رہنے کیلئے احتیاط لازم ہے، کرونا لیڈرز اور عوام میں کوئی تفریق نہیں کرتا۔ سینیٹر شبلی فراز نے کہاکہ اپوزیشن رہنما خدارا ایک دوسرے کی صحت اور عوام کی زندگیوں کا خیال کریں۔
