اسلام آباد (این این آئی)وزیر اعظم شہباز شریف نے بارہ کہو بائی پاس فلائی اوور کی تعمیر کے دوران حادثے کا سخت نوٹس لیتے ہوئے جمعرات کو پیش آنے والے حادثے کی انکوائری کیلئے کمیٹی تشکیل دے دی۔جمعہ کو وزریر اعظم آفس سے جاری اعلامیہ کے مطابق کم سابق سیکرٹری داخلہ شاہد خان کی سربراہی میں انکوائری کمیٹی اس حادثے کے ہر پہلو کا جائزہ لے گی،کمیٹی کو ہنگامی بنیادوں پر انکوائری رپورٹ مرتب کرکے وزیرِ اعظم کو پیش کرنے کی ہدایت دی گئی ۔ وزیر اعظم نے کہاکہ بارہ کہو منصوبے میں کسی قسم کی غفلت قابلِ قبول نہیں،واقعہ کے ذمہ داران کا تعین کرکے فوری رپورٹ پیش کی جائے۔
