اسلام آباد (این این آئی)وفاقی وزیر خزانہ سینیٹرمحمد اسحاق ڈار نے کہا ہے کہ چین کی وزارت خارجہ کی طرف سے گزشتہ روز بلومبرگ کو دیا گیا جواب پاکستان اورچین کے مابین دوستی اور تعلق کی گہرائی کی عکاسی کرتا ہے۔ جمعہ کو وزیرخزانہ سینیٹراسحاق ڈار نے اپنے ٹویٹ میں کہاکہ چینی وزارت خارجہ کی طرف سے بلومبرگ کو دیا گیا جواب پاک چین دوستی اور تعلق کی گہرائی کی عکاسی کرتا ہے۔واضح رہے کہ گزشتہ روزبلوم برگ کی طرف سے جون تک چین اوردوسرے عالمی اداروں کو 7 ارب ڈالر کے قرض کی ادائیگی کے حوالے سے سوال کے جواب میں چینی وزارت خارجہ کی ترجمان مائونینگ نے چین اور پاکستان کی تزویراتی شراکت داری اوردوستی کا اظہار کرتے ہوئے کہا تھا کہ چین نے ہمیشہ پاکستان کے ساتھ معاشی اور مالی تعاون کیا ہے تاکہ پاکستان کی معیشت مستحکم ، عوام کا معیار زندگی بہتر ہو اور ملک ترقی کے راستے پر گامزن ہو سکے۔چینی وزارت خارجہ کی ترجمان کا کہنا تھا کہ ایک مخصوص ترقی یافتہ ملک کی سخت گیر مالیاتی اور معاشی پالیسیاں اور اس کے اثرات پاکستان سمیت دیگر ترقی پذیر ملکوں کی مالی مشکلات کا بنیادی سبب ہیں۔ جواب میں بتایا گیا تھا کہ مغربی تجارتی قرض دہندگان اور کثیر الجہتی مالیاتی ادارے، ترقی پذیر ممالک کے سب سے بڑے قرض دہندگان ہیں۔ جواب میں چین نے تمام فریقوں پر زور دیا تھا کہ وہ پاکستان کے اقتصادی و سماجی استحکام کے لئے مل کر تعمیری کام کریں
مقبول خبریں
بحرین کے فرماں روا نے مشرقِ وسطی پر عالمی کانفرنس بلانے کا مطالبہ کردیا
منامہ(این این آئی)بحرین میں عرب لیگ کے 33 ویں سربراہ اجلاس کے اختتام پر جاری کردہ اعلامیے میں دو ریاستی حل تک فلسطین میں...
رفح میں کسی بھی آپریشن سے قبل شہریوں کا تحفظ ناگزیر ہے،امریکہ
واشنگٹن(این این آئی)امریکی محکمہ دفاع لائیڈ آسٹن نے اسرائیلی وزیر دفاع یوآو گیلنٹ سے فون پربات کرتے ہوئے زور دیا ہے کہ رفح میں...
عالمی برادری فلسطینی بھائیوں کے خلاف وحشیانہ جارحیت بند کرائے،شہزادہ سلمان
منامہ(این این آئی)سعودی عرب کے ولی عہد اور وزیر اعظم شہزادہ محمد بن سلمان نے کہا ہے کہ مملکت فلسطینی ریاست کے قیام اور...
فرانسیسی شہری 13 ممالک سے پیدل ہوتا ہوا عمرہ کرنے پہنچ گیا
پیرس (این این آئی)فرانس کا ایک شہری 13 ممالک سے گزرتا ہوا، طویل سفر پیدل طے کرکے عمرہ ادائیگی کے لیے سعودی عرب...
لائیو اسٹاک سے انسان کو برڈ فلو لگنے کا پہلا کیس سامنے آگیا
واشنگٹن(این این آئی)لائیو اسٹاک سے انسان کو برڈ فلو لگنے کا پہلا کیس امریکہ میں سامنے آیا ہے۔ مریض ایک ڈیری فارمر ہے جسے...