اسلام آبا د(این این آئی)وفاقی وزیر برائے تخفیف غربت و سیکریٹری اطلاعات پاکستان پیپلز پارٹی پارلیمنٹرینز شازیہ مری نے مطالبہ کیا ہے کہ شہید ذوالفقار علی بھٹو کے عدالتی قتل کے حوالے سے صدارتی ریفرنس کی جلد سماعت کی جائے،صدارتی ریفرنس گزشتہ دس سال سے سپریم کورٹ میں زیر التواء ہے۔ اپنے ایک بیان میں شازیہ مری نے مطالبہ کیا کہ محترمہ بینظیر بھٹو شہید کے قتل کے حوالے سے ٹرائل کورٹ کے فیصلے کے خلاف صدر آصف علی زرداری کی اپیل کی جلد سماعت کی جائے۔
