کراچی (این این آئی)پاکستانی فلم ‘جوائے لینڈ’ نے ایک اور عالمی ایوارڈ اپنے نام کرلیا۔انڈیپنڈنٹ اسپرٹ ایوارڈز 2023 کی تقریب میں ‘جوائے لینڈ’ نے ‘بہترین بین الاقوامی فلم’ کا ایوارڈ جیتا ہے۔ انڈیپنڈنٹ اسپرٹ ایوارڈز کی تقریب میں دنیا بھر سے فلم سازوں اور ہدایت کاروں نے شرکت کی۔جوائے لینڈ کی کہانی پاکستان میں ٹرانس جینڈر کمیونٹی کے مسائل کو اجاگر کرتی ہے۔ انڈیپنڈنٹ اسپرٹ ایوارڈز 2023 میں جوائے لینڈ کا مقابلہ دیگر چار فلموں سے تھا۔ فلم کے ہدایت کار صائم صادق نے ایوارڈ وصول کیا جبکہ فلم کی ایگزیکٹو پروڈیوسر اور نوبیل انعام یافتہ ملالہ یوسف زئی بھی اسٹیج پر موجود تھیں۔خیال رہے کہ جوائے لینڈ کو آسکر ایوارڈ کے لیے بھی شارٹ لسٹ کیا گیا تھا۔
