لاہور( این این آئی)صوبائی دارالحکومت لاہور کی انتظامیہ کی جانب سے شہر کی کشیدہ صورتحال کو دیکھتے ہوئے مختلف علاقوں میں سکول، کالجز بند رکھنے کا اعلان کیا گیا جبکہ امن و امان کی صورتحال کے باعث کھلنے والے تعلیمی اداروں میں وقت سے پہلے چھٹی دیدی گئی ۔۔چیئرمین پاکستان تحریک انصاف عمران خان کے ناقابل ضمانت وارنٹ گرفتاری جاری ہونے کے بعد پولیس کی جانب سے عدالتی احکامات کی تعمیل کے معاملے پر پولیس اور تحریک انصاف کے کارکنان آمنے سامنے ہونے کی وجہ سے شہر میں کشیدگی بر قرار ہے ۔اسی صورتحال کے پیش نظر انتظامیہ کی جانب سے مال روڈ، دھرم پورہ،جیل روڈ، گڑھی شاہو اور میاں میر کے علاقوں میں سکولزاورکالجز بندرکھنے کے احکامات جاری کئے گئے ۔مارچ کا مہینہ ہونے کی وجہ سے سکولوں میں بچوں کے سالانہ امتحانات بھی جاری ہیں اور تعطیل کی وجہ سے ان میں تعطل آ گیا ۔ دوسری جانب گڑھی شاہو میں کھلنے والے تعلیمی اداروں میں امن و امان کے پیش نظر وقت سے پہلے چھٹی دیدی گئی ۔
