اسلام آباد (این این آئی)اراکین سینٹ نے ایوان بالا کی پچاس سالہ گولڈن جوبلی تقریبات کے موقع پر ملک کو درپیش معاشی و سیاسی چیلنجوں کا حل مذاکرات کے ذریعے تلاش کرنے کی ضرورت پر زور دیتے ہوئے کہا ہے کہ پاکستان کی بقا آئین کی بالادستی اور جمہوریت میں ہے ، ہمیں اپنی انا کیلئے پاکستان کو نقصان پہنچانے سے گریز کرنا چاہیے، دلائل سے ایک دوسرے کو قائل کر نا سیاست کہلاتا ہے ، ملک کو موجودہ معاشی بحران سے نکالنے کے لئے تمام قیادت کو سرجوڑ کر بیٹھنا ہو گا جبکہ سینیٹ آف پاکستان کے گولڈن جوبلی کی کامیاب تقریبات کے حوالے سے قراداد متفقہ طور پر منظور کرلی گئی جس میں کہا گیا ہے کہ ملک میں جمہوری اقدار، وفاقیت، بردباری اور آئینہ جن کا تصور بابائے قوم قائد اعظم محمد علی جناح نے پیش کیا تھا جس کو فروغ دیں گے، اسلامی جمہوریہ پاکستان کے دستور کو سر بلند رکھیں گے۔ جمعہ کو سینٹ آ ف پاکستان کی پچاس سالہ گولڈن جوبلی تقریبات کے حوالے سے خصوصی اجلاس ختم ہوگیا ۔ اجلاس کے تیسرے روز سینیٹ آف پاکستان کے گولڈن جوبلی کی کامیاب تقریبات کے حوالے سے قراداد متفقہ طور پر منظور کرلی گئی ۔قرارداد سینیٹر اسحاق ڈار کی وساطت سے سینیٹر رضاربانی نے پیش کی جس میں کہاگیاکہ سینیٹ کے 50 سالہ تقریبات منانے کے لئے بلائے گئے اس یادگار اجلاس کی اہمیت کو تسلیم کرتا ہے۔ قرارداد میں کہاگیاکہ دستور 1973 کے معماروں، سابق چیئرمین اور سینیٹرز اور دیگر حصہ داروں کا شکریہ ادا کرتا ہے۔ قرار داد میں کہاگیاکہ گزشتہ 50 سالوں کے دوران سینیٹ کو پارلیمانی روایات کے امین ایوان میں تبدیل کیا۔ قرارداد میں کہاگیاکہ اقرار کی تجدید کرتا ہے کہ ہم اسلامی جمہوریہ پاکستان کے دستور کو سر بلند رکھیں گے۔ قرار داد میں کہاگیاکہ ملک میں جمہوری اقدار، وفاقیت، بردباری اور آئینہ جن کا تصور بابائے قوم قائد اعظم محمد علی جناح نے پیش کیا تھا جس کو فروغ دیں گے۔قرارداد میں کہاگیاکہ ایوان عہد کرتا ہے کہ صوبائی اور پسماند و طبقات استحکام کے لئے اپنی کوششیں جاری رکھیں گے۔ قرارداد کے مطابق ایوان سول سوسائٹی ، اکیڈیمیا، نوجوانوں، خواتین اور ذرائع ابلاغ سے مطالبہ کرتا ہے کہ پارلیمان کی کاروائی کومز یہ شطاف ، موٹر آزادانہ اور لوگوں کے اعتماد کا مرکز بنانے کے لئے وہ اپنے تاثرات فراہم کیا کریں۔ قراداد میں کہاگیاکہ ایوان اس امید اور اعتمادکا اظہار کرتا ہے کہ سینیٹ کے 50 سالہ یاد گار تقریبات صوبائی خودمختاری، وفاقیت کے زریں اصولوں اور پاکستان کے لوگوں کی امنگوں کی پاسداری کے ضمن میں ہماری عزم کو مزید مضبوط کریں گے۔ قبل ازیں سینیٹ آف پاکستان کی گولڈن جوبلی تقریبات کے آخری روز اظہار خیال کرتے ہوئے وفاقی وزیر قانون نے کہا کہ اس ایوان میں ہر شعبہ زندگی سے تعلق رکھنے والے افراد کی طرف سے گولڈن جوبلی تقریبات کے دوران اظہار خیال سے آئندہ کی راہیں متعین کرنے میں آسانیاں پیدا ہوں گی ۔انہوںنے کہاکہ اس شاندار تقریب کے انعقاد پر چیئرمین سینیٹ ، ان کی ٹیم ، سیکرٹری سینیٹ ، پروٹوکول سیکشن ، میڈیاسیکشن سمیت سب مبارک باد کے مستحق ہیں ، ان کو خراج تحسین پیش کرتے ہیں
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...