میشا شفیع اور حسن منہاج کی فلم ‘موسٹیچ’ کی عالمی سطح پر پذیرائی

0
96

کراچی (این این آئی)پاکستان شوبز انڈسٹری کی معروف گلوکارہ و اداکارہ میشا شفیع اور اداکار حسن منہاج کی فلم ‘موسٹیچ’ نے بین الاقوامی ایوارڈ اپنے نام کرلیا۔فلم ‘موسٹیچ’ممتاز سائوتھ بائے سائوتھ ویسٹ فیسٹیول میں’نیریٹیو فیچر کومپیڈیشن’ کیٹیگری میں ‘آڈیئنس ایوارڈ’ اپنے نام کیا ہے۔فلم کے ہدایتکار عمران جے خان نے فوٹو اینڈ ویڈیو شیئرنگ ایپ انسٹاگرام پر تمام شائقین کا فلم کو پسند کرنے کے لیے شکریہ ادا کیا۔دوسری جانب، اس فلم کی ٹیم کے ممبر رضوان منجی نے بھی اپنے انسٹاگرام اکائونٹ پر فلم کی شاندار پذیرائی پر خوشی کا اظہار کیا۔واضح رہے کہ رواں برس جنوری میں میشا شفیع نے فلم ‘موسٹیچ’ سے اپنی پہلی تصویر شیئر کی تھی۔اس تصویر میں اْنہیں لانگ کوٹ کے ساتھ سر پر اسکارف پہنے ہوئے کافی سنجیدہ انداز میں دیکھا جاسکتا ہے۔فلم کی کہانی ایک 13 سالہ لڑکے الیاس کے گرد گھومتی ہے، جسے کیلیفورنیا میں اپنے اسکول میں مونچھوں کی وجہ سے مشکلات کا سامنا کرنا پڑتا ہے۔