واشنگٹن(این این آئی )وائٹ ہاس نے اسرائیل میں جاری سیاسی بحران پر اپنی تشویش کا اظہار کیا ہے۔غیرملکی خبررساں ادارے کے مطابق وائٹ ہائوس نے اسرائیل میں وزیر دفاع یواف گیلنٹ کو عدالتی اصلاحات سے متعلق ترامیم کو مسترد کرنے کی وجہ سے ان کے عہدے سے برطرف کیے جانے کے بعد کہا کہ اسرائیل میں جو کچھ ہو رہا ہے وہ صہیونی ریاست کی سلامتی اور اس کی فوج کو متاثر کر سکتا ہے۔خیال رہے کہ اسرائیلی وزیراعظم بنجمن نیتن یاھو نیاپنی حکومت کے وزیر دفاع یواف گیلنٹ کو پارلیمنٹ میں عدالتی اصلاحات سے متعلق قوانین میں ترامیم کی حمایت سے انکار اور ترامیم کی مخالفت پر انہیں عہدے سے ہٹا دیا ہے۔ گیلنٹ کی برطرفی کے بعد پہلے سے اسرائیل میں جاری احتجاج میں مزید شدت آ گئی ہے۔
