تل ابیب (این این آئی ) اسرائیلی وزیراعظم بنجمن نیتن یاہو نے وزیر دفاع یوو گیلنٹ کو عدالتی ترامیم کو مسترد کرنے کی وجہ سے ان کے عہدے سے برطرف کر دیا تھا۔ اپنی برطرفی کے بعد گیلنٹ نے کہا ہے کہ ریاست اسرائیل کی سلامتی میری زندگی کا مشن تھا اور ہمیشہ رہے گا۔غیرملکی خبررساں ادارے کے مطابق گیلنٹ کی برطرفی کے فیصلے پر تبصرہ کرتے ہوئے اسرائیلی اپوزیشن کے رہنما یائر لاپڈ نے کہا ہے کہ نیتن یاہو قومی سلامتی اور اسرائیل کی سلامتی کے لیے خطرہ ہیں۔اسرائیلی نیشنل یونٹی کولیشن نے یہ بھی کہا کہ اس سے قبل کبھی بھی وزیر دفاع کو سلامتی کے خطرے سے خبردار کرنے پر برطرف نہیں کیا گیا۔ نیتن یاہو اسرائیل کو کھائی میں پھینکنے کے لیے پرعزم ہیں۔سابق وزیر دفاع بینی گانٹز نے کہا کہ ہمیں ایک حقیقی خطرے کا سامنا ہے اور نیتن یاہو نے خود کو اسرائیل کی سلامتی کے سامنے رکھا ہے۔اسرائیلی مظاہروں کے رہنماں نے اپنے رد عمل میں کہا ہے کہ نیتن یاہو ایک حقیقی آمر کی طرح برتا کر رہے ہیں۔ رہنمائوں نے تل ابیب میں حکومتی مرکز کے علاقے میں مظاہروں کی تنظیم کا اعلان کردیا۔دوسری جانب اسرائیلی سلامتی امور کے وزیر ایتمار بن گویر نے کہا ہے کہ وزیر دفاع اپنے کل کے خطاب کے بعد اپنے عہدے پر رہنے کے حقدار نہیں تھے ۔ وزیر دفاع برطرف کرنے کا نیتن یاہو کا فیصلہ درست ہے اورمیں ان کی حمایت کرتا ہوں۔
