اسلام آباد (این این آئی)وزیر مملکت برائے خارجہ امور حنا ربانی کھر نے یورپی یونین کے دارالحکومتوں میں پاکستان کے سفیروں کے ساتھ مائیگریشن اور موبلٹی پر ایک اجلاس کی صدارت کی جس میں بڑی تعداد میں متعلقہ فریقین شریک ہوئے۔ جمعہ کو دفتر خارجہ کے مطابق اجلاس میں غیر قانونی ہجرت کو روکتے ہوئے یورپی ممالک کو لیبر کی برآمد کو بڑھانے کی کوششوں پر زور دیا گیا۔ اجلاس میں خطے کی مخصوص ضروریات کو پورا کرنے کیلئے مہارتوں کی ترقی میں سرمایہ کاری پر بھی زور دیا گیا۔
