گوجرانوالہ (این این آئی) اسپیکر قومی اسمبلی راجہ پرویز اشرف کا یوم تکریم شہداء کے سلسلے میں شہداء کی یادگار پر حاضری دی ، پھولوں کی چادر چڑھائی اور فاتحہ خوانی کی ۔ جمعرات کو اسپیکر قومی اسمبلی راجہ پرویز اشرف کی گوجر خان میں کیپٹن راجہ محمد سرور شہید(نشان حیدر) کے مزار پر حاضری دی ۔راجہ پرویز اشرف نے کیپٹن راجہ محمد سرور شہید کے مزار پر پھولوں کی چادر چڑھائی اور فاتحہ خوانی کی۔ اسپیکر قومی اسمبلی سوار محمد حسین شہید(نشان حیدر) کو خراج عقیدت پیش کیا۔اس موقع پر اسپیکر قومی اسمبلی نے میڈیا کے نمائندوں سے گفتگو کرتے ہوئے کہا کہ شہید کی جو موت ہے وہ قوم کی حیات ہے۔ انہوںنے کہاکہ 9 مئی کے افسوسناک واقعات کو تاریخ میں سیاہ باب کے طور پر یاد رکھا جائے گا۔اسپیکر قومی اسمبلی نے کہاکہ آج ہماری آزاد ماحول میں زندگی بسر کرنے کے پیچھے لاکھ شہداء کی قربانیاں شامل ہیں۔ راجہ پر ویزاشرف نے کہاکہ پوری قوم اپنے شہداء کو خراج عقیدت پیش کرتی ہے، 9 مئی کے واقعات کے پیچھے مذموم مقاصد تھے۔
