اسلام آباد(این این آئی)نیشنل کمانڈ اینڈ آپریشن سینٹر کے اسد عمر کی زیر صدارت اجلاس میں موجودہ صورتحال کاجائزہ لیا گیا ۔ پیر کو اجلاس میں معاون خصوصی برائے صحت ڈاکٹر فیصل سلطان،وفاقی وزیر عمر ایوب سمیت دیگر شریک ہوئے ۔اجلاس میں مْلک بھر میں جاری کورونا وائرس کی دوسری لہر کے حوالے سے بریفنگ دی گئی ۔اجلاس میں کورونا ایس او پیز پر عمل درآمد یقنی بنانے کے لیے حکمت عملی کا جائزہ لیا گیا ۔متاثرہ علاقوں میں سمارٹ اور مائکرو لاک ڈاؤن کے حوالے سے تفصیلات بھی اجلاس میں پیش کی گئیں ۔
