لکھنو(این این آئی)بھارت میں بی جے پی کی حکومت والی ریاست اتر پردیش کے ضلع بلیا میںشدید گرمی کی لہر سے چار دنوں میں57 افراد ہلاک ہو گئے ہیں۔کشمیرمیڈیاسروس کے مطابق حکام نے بتایا کہ ضلع بلیا کے ہسپتال میں داخل ہونے والے یہ مریض چار دنوں کے دوران انتقال کر گئے ہیں۔یہ اموات خطے میں گرمی کی لہر کے دوران ہوئی ہیں۔ڈائرکٹر وبائی امراض ڈاکٹر اے کے سنگھ اور ڈائرکٹرطبی دیکھ بال کے این تیواری پر مشتمل کمیٹی نے بھی سخت گرمی کو ضلع میں بزرگ مریضوں کی اموات میں اضافے کی بنیادی وجہ قرار دیا۔سی ایم او کمار نے میڈیا کو بتایا کہ ضلع اسپتال کے ریکارڈ کے مطابق57اموات میں سے 40فیصد مریضوں کو بخار تھا جبکہ 60فیصد دیگر بیماریوں میں مبتلا تھے۔صحت کے حکام نے بتایا کہ 15جون سے 17 جون تک تقریبا 400مریضوں کو ضلع اسپتال میں داخل کیا گیا۔
