اسلام آباد (این این آئی)اوزیرِ خزانہ اسحاق ڈار سے پاکستان میں امریکی سفیر ڈونلڈ بلوم نے ملاقات کی جس میں باہمی دلچسپی کے امور پر گفتگو کی گئی ۔وزارت خزانہ کے مطابق وزیرِ خزانہ اسحاق ڈار کی امریکی سفیر سے باہمی دلچسپی کے امور پر گفتگو ہوئی۔ذرائع کے مطابق اسحاق ڈار نے امریکی سفیر کو بین الاقوامی مالیاتی فنڈ (آئی ایم ایف) قرض پروگرام سے آگاہ کیا۔ذرائع کے مطابق اسحاق ڈار نے امریکی سفیر سے آئی ایم ایف سے قرض بحالی پروگرام پر کردار ادا کرنے کا کہا۔دفتر خارجہ نے پیرس میں شہباز شریف کی مینجنگ ڈائریکٹر (ایم ڈی) آئی ایم ایف سے ملاقات کرانے کی کوشش کی ہے۔
