اسلام آباد (این این آئی)سپریم کورٹ نے سرکاری اراضی پر پیٹرول پمپس لیز پر دینے سے متعلق از خود نوٹس پرچیئرمین این ایچ اے سے پیٹرول پمپس لیز پر دینے سے متعلق رپورٹ طلب کر لی ۔بدھ کو چیف جسٹس گلزار احمد کی سربراہی میں دو رکنی بینچ نے سماعت کی ۔عدالت نے چیئرمین این ایچ اے سے پیٹرول پمپس لیز پر دینے سے متعلق رپورٹ طلب کر لی ۔ عدالت عظمیٰ نے کہاکہ لیز کی کاپیاں اور حاصل ہونیوالے فنڈ کی تفصیلات 4 ہفتوں میں پیش کی جائیں۔ عدالت عظمیٰ نے کہاکہ بتایا جائے کہ این ایچ اے کو حاصل ہونیوالا ریونیو کہاں خرچ کیا جاتا ہے،بتایا جائے کہ این ایچ اے کے ملازمین کے نام پیٹرول پمپس لیز پر تو نہیں دیے گئے۔ وکیل این ایچ اے سلمان اکرم راجہ نے کہاکہ این ایچ اے ہائی ویز کے ساتھ زمین لیز پر دے سکتا ہے۔ سلمان اکرم راجہ نے کہاکہ این ایچ کے پاس پیٹرول پمپس قائم کرنے کیلئے لائسنس بھی جاری کرنے کی اتھارٹی ہے۔ جسٹس اعجاز الاحسن نے کہا کہ اگر ساری اتھارٹی این ایچ اے کے پاس ہے تو صوبائی حکومتوں کی ملکیت کا کیا فائدہ ہے
