انقرہ(این این آئی)ترکیہ کے ایوان صدر نے اتوار کے روز اعلان کیا ہے کہ صدر رجب طیب ایردوآن نیٹو سربراہی اجلاس کے موقع پر اپنے امریکی ہم منصب جو بائیڈن سے ملاقات کریں گے۔ یہ اجلاس آئندہ ہفتے لیتھوانیاکی میزبانی میں منعقد ہوگا۔میڈیارپورٹس کے مطابق ایوان صدر نے کہا کہ بات چیت میں نیٹو میں یوکرین کی حیثیت، سویڈن کی رکنیت، F-16 لڑاکا طیاروں کی فراہمی پر توجہ مرکوز کی جائے گی، جو ترکیہ کو امریکا سے حاصل کرنے کی امید ہے۔ بیان میں ملاقات کی تاریخ نہیں بتائی گئی۔ایردوآن سویڈن کے وزیر اعظم اوف کرسٹن سے ملاقات کرنے والے ہیں۔ یہ ملاقات منگل اور بدھ کو ویلنیوس کی زیر صدارت ہونے والے سربراہ اجلاس سے قبل ہو رہی ہے۔ کرسٹرسن کو توقع ہے کہ وہ ایردآن کو اپنا اعتراض ختم کرنے اور نیٹو اتحاد میں سویڈن کے الحاق کے لیے گرین سگنل دینے پر آمادہ کریں گے۔ایوان صدر نے کہا کہ ایردوآن اور بائیڈن نے اتوار کو فون پر بات چیت کی، جس کے دوران انہوں نے خاص طور پر سویڈن کے نیٹو میں شمولیت اور ترکیہ کی طرف سے F-16 لڑاکا طیاروں کی فراہمی پر بات کی۔صدر ایردوآن نے F-16 لڑاکا طیاروں کے حصول کے لیے ترکیہ کی درخواست کی حمایت پر امریکی صدر جو بائیڈن کا شکریہ ادا کیا۔ انقرہ ایوان صدر کا کہنا ہے کہ F-16 لڑاکا طیاروں کے لیے ترکیہ کی درخواست اور سویڈن کے نیٹو سے الحاق کو جوڑنا درست نہیں ہے۔بائیڈن نے 28 مئی کو نئی صدارتی مدت جیتنے کے بعد ایردوآن کے ساتھ ایک فون کال میں دونوں معاملات کو جوڑا تھا۔ترک ایوان صدر کے بیان میں ایردآن کے بائیڈن کے حوالے سے کہا گیا ہے کہ سویڈن نے انسداد دہشت گردی کے قوانین میں ترامیم متعارف کروا کر درست سمت میں کچھ اقدامات کیے ہیں۔تاہم ایردوآن نے اس بات پر زور دیا کہ سویڈن کا کرد نواز گروپوں کو اپنی سرزمین پر مظاہرے منعقد کرنے کی اجازت دینے کا فیصلہ ان اقدامات کو باطل کرتا ہے۔وائٹ ہائوس نے ایک بیان میں کہا کہ بائیڈن نے ایردوآن کے ساتھ فون پر بات میں سویڈن کو جلد از جلد نیٹو کے رکن کے طور پر خوش آمدید کہنے کی خواہش کا اظہار کیا۔ وائٹ ہاس نے کہا کہ دونوں رہ نماں نے متعدد امور پر بھی تبادلہ خیال کیا جن پر نیٹو رہ نما اس ہفتے ہونے والے سربراہی اجلاس میں غور کریں گے۔ ان میں روس کے خلاف یوکرین کی حمایت کا معاملہ بھی شامل ہے۔
مقبول خبریں
ایس سی او فورم پاکستان کیلئے تجارت کے فروغ کا ایک بہترین موقع ہے،...
اسلام آ با د(این این آئی)چائنہ میڈیا گروپ کے تحت سی جی ٹی این اردو اور ایف ایم 98 دوستی چینل نے انسٹی ٹیوٹ...
لائی چھنگ ڈے انتظامیہ چین کی وحدت کے عمومی رجحان کو روک نہیں سکتی...
بیجنگ(این این آئی) چینی وزارت خارجہ کی ترجمان ما ننگ نے یومیہ پریس کانفرنس میں تین امریکی فوجی اداروں اور 10 سینئر مینیجرز کے...
عوام کے درمیان دوستی عالمی امن کے لئے ایک لازوال محرک قوت ہے، چینی...
بیجنگ (این این آئی)چینی صدر شی جن پھنگ نے بیجنگ کے عظیم عوامی ہال میں چائنا انٹرنیشنل فرینڈشپ کانفرنس اور غیر ملکی ممالک کے...
وزیر اعلیٰ پنجاب مریم نواز نے نامور قانون دان بیرسٹر امجد ملک کو وائس...
اسلام آباد (این این آئی)وزیر اعلیٰ پنجاب مریم نواز شریف نے برطانیہ کے نامور قانون دان بیرسٹر امجد ملک کو وائس چیئرمین پنجاب اوورسیز...
آسٹریلیا پاکستان میں پانی کے منصوبے کے لئے 3 ملین آسٹریلوی ڈالر فراہم کرے...
اسلام آباد(این این آئی)وزارت اقتصادی امور کی کوششیں رنگ لے آئیں، آسٹریلیا پاکستان میں پانی کے منصوبے کے لئے 3 ملین آسٹریلوی ڈالر فراہم...