لاہور( این این آئی)نگران وزیراعلی پنجاب محسن نقوی اور وفاقی وزیر خزانہ اسحاق ڈار کی زیر صدارت اہم اجلاس منعقد ہوا جس میں چیئرمین ایف بی آر، گروپ لیڈر اپٹما گوہر اعجاز، فواد مختار، انوار غنی اور وزارت خزانہ کے اعلی حکام نے شرکت کی۔ اجلاس میں کپاس کی امدادی قیمت کے حوالے سے تبادلہ خیال کیا گیا اور کاشتکاروں کو کپاس کی امدادی قیمت یقینی دلانے کے حوالے سے اقدامات کے بارے میں بھی بات چیت کی گئی۔ دریں اثنا وزیراعلی محسن نقوی نے اکبر چوک فلائی اوورز پراجیکٹ کے دورے کے بعد میڈیا سے گفتگو کرتے ہوئے کہاکہ پنجاب بھر میں 8500روپے فی من پھٹی کی فروخت یقینی بنائیں گے۔ پنجاب کے کاشتکار8500سے کم نرخ پر کپاس نہ بیچیں۔ کمشنر او رڈی سی اپنے متعلقہ اضلاع میں کپاس کی 8500روپے کے مقررہ نرخ پر فروخت یقینی بنائیں۔ انہوں نے کہاکہ کاشتکار پریشان نہ ہوں،انہیں کپاس کا پورا ریٹ دلائیں گے۔وزیر اعظم محمد شہباز شریف اور وفاقی وزیرخزانہ اسحاق ڈار کے ساتھ کپاس کے ا یشو پر رابطے میں ہیں۔ ایک سوال کے جواب میں انہوں نے بتایا کہ کوئی بڑا ریلہ نہیں آرہا، فی الحال پنجاب میں سیلاب کا کوئی خطرہ نہیں۔ دریاں کے اندر قائم غیر قانونی آبادیوں اور تجاوزارت کو ختم کرا رہے ہیں۔پانی کی آمد مانیٹر کررہے ہیں، ہر 6گھنٹے کے بعد رپورٹ لی جا رہی ہے۔لاہور کے ترقیاتی منصوبے مقررہ وقت میں مکمل کروائیں گے۔ اکبر چوک پراجیکٹ بروقت تکمیل کے مراحل طے کررہا ہے۔ بارشوں کی وجہ سے تاخیر کا ازالہ کریں گے۔کیولری گرانڈ انڈرپاس، گھوڑا چوک فلائی اوور اور نوازشریف انٹر چینج انڈر پاس پراجیکٹ کی تعمیر کا کام 17 جولائی کو شروع ہورہا ہے۔ والٹن سے مین بلیوارڈ پراجیکٹ تیزی سے تکمیل کی طرف بڑھ رہاہے۔ ایک اور سوال کے جواب میں انہوں نے کہا کہ پنجاب میں کچے کے علاقے پر ہمارا کنٹرول قائم ہے کسی بھی صورت میں جرائم پیشہ عناصر کو واپس نہیں آنے دیں گے۔ قبل ازیں وزیراعلی محسن نقوی نے اکبر چوک فلائی اوورز منصوبے کا دورہ کیا اور تعمیراتی سرگرمیوں پر پیشرفت کا جائزہ لیا۔منصوبے کے 153پائلز مکمل ہو چکے ہیں۔محسن نقوی نے پراجیکٹ کے تعمیراتی کاموں کامعائنہ کیا اور کام مزید تیز کرنے کی ہدایت کی۔محسن نقوی نے مزید ہدایت کی کہ ڈیڈ لائن کے اندر منصوبہ مکمل کیا جائے اور تعمیراتی کاموں کے دوران ٹریفک رواں دواں رکھنے کیلئے خصوصی انتظامات کئے جائیں
مقبول خبریں
وزیر تجارت کی زیرصدارت اجلاس ،پاکستان کی برآمدی اور کاروباری شعبوں میں اہم مسائل...
اسلام آباد(این این آئی)وفاقی وزیر تجارت جام کمال خان نے پاکستان کی برآمدی اور کاروباری شعبوں میں اہم مسائل کے حل کے لیے ایک...
وزیرخارجہ اسحاق ڈار کی چین کے وزیر خزانہ سے ملاقات، بزنس ٹو بزنس روابط...
بیجنگ (این این آئی)نائب وزیراعظم اور وزیر خارجہ سینیٹر محمد اسحاق ڈار نے جمعرات کو بیجنگ میں عوامی جمہوریہ چین کے وزیر خزانہ لان...
افغانستان میں سیلاب کے باعث خوراک کا بحران، وبائیں پھوٹ پڑیں
کابل(این این آئی)افغانستان میں سیلاب نے تباہی مچادی ہے۔ سیکڑوں ہلاکتیں ہوچکی ہیں اور ہزاروں افراد بے گھر ہیں۔غیرملکی خبررساں ادارے کے مطابق اقوام...
اقوام متحدہ کی قرارداد مسترد کرتے ہیں، اسرائیلی وزیراعظم
مقبوضہ بیت المقدس(این این آئی) اسرائیل کے وزیر اعظم نیتن یاہو نے اقوام متحدہ کی طرف سے فلسطینی ریاست کو مکمل رکنیت دینے...
ترکیہ کے صدر طیب ایردوان کا رواں ماہ پاکستان آنے کا امکان
انقرہ(این این آئی)ترکیہ کے صدر رجب طیب ایردوان کا رواں ماہ پاکستان کا دورہ متوقع ہے۔غیرملکی خبررساں ادرے کے مطابق وزیراعظم شہبازشریف نے اپنے...