اسلام آباد (این این آئی)اسلام آباد ہائی کورٹ نے ڈاکٹر عافیہ صدیقی کی رہائی کے لیے دائر درخواست پر سماعت کے دوران وزارتِ خارجہ کے حکام کی تعریف کی ہے۔عدالتِ عالیہ کے جسٹس سردار اعجاز اسحاق خان نے درخواست کی سماعت کی۔ڈاکٹر عافیہ صدیقی کی ہمشیرہ درخواست گزار ڈاکٹر فوزیہ صدیقی اپنے وکیل عمران شفیق کے ساتھ عدالت میں پیش ہوئیں۔ایڈیشنل اٹارنی جنرل منور اقبال دوگل اور وزارتِ خارجہ کے حکام بھی عدالت میں پیش ہوئے۔عدالت نے وزارتِ خارجہ کے حکام سے مکالمے میں کہا کہ ڈاکٹر عافیہ کیس میں آپ کی کوششیں قابلِ تحسین ہیں لیکن جب تک عدالت نے نہیں کہا آپ نے کچھ نہیں کیا، ڈاکٹر عافیہ کیس میں ابھی مزید بھی بہت کچھ کرنے کی ضرورت ہے۔وزارتِ خارجہ کے حکام نے جواب دیا کہ وزارتِ خارجہ سے اس قسم کی دستاویزات کے حصول کا کچھ پراسس ہے، دستاویزات کی فراہمی کیلئے کابینہ کی منظوری ضروری ہے۔عدالت نے کہا کہ دوگل صاحب ہدایات دے دی گئی ہیں، پراسس شروع ہو جائے گا، یہی الفاظ ہمیشہ سنتے ہیں۔وزارتِ خارجہ کے حکام نے جواب دیا کہ سیکریٹری خارجہ نے واضح کہا ہے کہ یہ دستاویزات ان سے شیئر ہونی چاہئیں، صرف اس میں پراسس کو فالو کرنا ضروری ہے۔وزارتِ خارجہ کے حکام نے عدالت کو یقین دہانی کرائی کے دستاویزات کی فراہمی کا کام جمعہ سے شروع ہو جائے گا۔ایڈیشنل اٹارنی جنرل نے عدالت کو بتایا کہ ڈاکٹر عافیہ صدیقی کے امریکی وکیل اگر بیانِ حلفی دیں تو وہ کہیں اور استعمال نہیں ہو گا۔اسلام آباد ہائی کورٹ نے کیس کی مزید سماعت ستمبر کے ا?خری ہفتے تک ملتوی کر دی۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...