اسلام آباد (این این آئی)چیئرمین سینیٹ محمد صادق سنجرانی نے کہا ہے کہ وہ دن دور نہیں جب کشمیر کے باسی اپنی حق خودارادیت کی جدوجہد کے ذریعے مقبوضہ کشمیر میں آزادی کا خواب شرمندہ تعبیر ہوتا ہوا دیکھیں گے۔ جمعرات کو سینیٹ سیکرٹریٹ سے جاری بیان کے مطابق چیئرمین سینیٹ نیاپنیپیغام میں کہا کہ کشمیری شہدانے13جولائی 1931 ء کوڈوگرہ فورسز کی اندھا دھند فائرنگ کا سامنا کرتے ہوئے عظیم قربانیاں دیں، وہ یوم شہدائے کشمیر کے موقع پر اْن 22 کشمیری شہدا کو خراج عقیدت پیش کرتے ہیں جنہوں نے 1931ء میں ڈوگرہ فورسز کی اندھا دھند فائرنگ کا سامنا کرتے ہوئے عظیم قربانی دی۔ انہوں نے کہا کہ مسئلہ کشمیر حل کئے بغیر جنوبی ایشیاء میں پائیدار امن کا قیام ممکن نہیں، عالمی برادری کشمیر میں بھارت کی جانب سے ڈھائے جانے والے مظالم کا سختی سے نوٹس لے اور بھارت کے زیرِ تسلط کشمیر میں جاری انسانی حقوق کی خلاف ورزیوں کے خاتمے کیلئے کردار ادا کرے۔انہوںنے کہا کہ آج بھی 9 لاکھ سے زائد بھارتی افواج جموں و کشمیر پر تسلط برقرار رکھنے کیلئے کشمیری عوام کو یرغمال بنائے ہوئے ہیں۔محمد صادق سنجرانی نے کہا کہ ایوان بالا مسئلہ کشمیر اجاگر کرنے میں اپنا مؤثر کردار ادا کر رہا ہے،مسئلہ کشمیر کو اقوام متحدہ کی سیکیورٹی کو نسل کی قراردادوں کے مطابق حل کرنے اور زیرِ تسلط وادی میں بھارتی افواج کا ظلم و بربریت روکنے کے لئے متعدد قراردادیں منظور کی گئی ہیں،آج ہم 1931 ء کے ہیروز کے ساتھ ساتھ ان تمام بے گناہ کشمیریوں کی انمول قربانیوں کو بھی خراج عقیدت پیش کرتے ہیں جنہوں نے اس جدوجہد میں اپنی جانیں نچھاور کیں۔چیئرمین سینیٹ نے بھارت پر زور دیاکہ وہ غیر قانونی زیرِ تسلط جموں و کشمیر میں جاری جبر فوری روکے،فوجی محاصرہ ختم کرے اورزیرِ تسلط علاقے کاآبادیاتی ڈھانچہ تبدیل کرنے کی کوششیں بند کی جائیں۔ڈپٹی چیئرمین سینیٹ مرزا محمد آفریدی نے اپنے پیغام میں کہا کہ زیرِ تسلط کشمیر کے عوام کی قربانیاں رائیگاں نہیں جائیں گی اور کشمیری عوام بہت جلد آزادی کا سورج طلوع ہوتا ہوا دیکھیں گے، بھارتی افواج کیغیرقانونی زیرِ تسلط علاقے میں مظالم اور بربریت کی جتنی بھی مذمت کی جائے ،کم ہے۔
مقبول خبریں
اگلے چند روز میں سعودی عرب کا اعلیٰ اختیاراتی وفد پاکستان آ رہا ہے،عطاء...
اسلام آباد (این این آئی) وفاقی وزیراطلاعات ونشریات عطاء اللہ تارڑ نے کہا ہے کہ اگلے چند روز میں سعودی عرب کا اعلیٰ...
وزیراعظم شہباز شریف کامتحدہ عرب امارات کے شاہی خاندان کے رکن شیخ طحنون بن...
اسلام آباد(این این آئی)وزیراعظم شہباز شریف نے متحدہ عرب امارات کے شاہی خاندان کیرکن اور ممتاز کاروباری شخصیت شیخ طحنون بن محمد النہیان...
امریکا کو پاکستان کی جانب سے اڈے دینے کے قیاس آرائیوں میں کوئی صداقت...
اسلام آباد (این این آئی)ترجمان دفتر خارجہ نے کہا ہے کہ امریکا کو پاکستان کی جانب سے اڈے دینے کے قیاس آرائیوں میں کوئی...
اپنی آئینی حدود کو بخوبی جانتے، دوسروں سے بھی پاسداری مقدم رکھنے کی توقع...
راولپنڈی (این این آئی)آرمی چیف جنرل سید عاصم منیر نے کہا ہے کہ ہم اپنی آئینی حدود کو بخوبی جانتے ہیں اور دوسروں سے...
امریکی ڈیموکریٹس کا رفح حملہ روکنے کیلئے بائیڈن کو کھلا خط
واشنگٹن (این این آئی)غزہ کے شہر رفح میں اسرائیلی حملے روکنے کے لیے 57 امریکی ڈیموکریٹس نے ایک کھلے خط پر دستخط کرتے ہوئے...