اسلام آباد(این این آئی)سابق صدر آصف علی زرداری اور پیپلز پارٹی کے چیئرمین اور وزیر خارجہ بلاول بھٹو زرداری کی وزیر اعظم ہائوس آمدپروزیر اعظم شہباز شریف نے دونوں رہنمائوں کا پرتپاک استقبال کیا۔ملاقات میں ملک کی مجموعی سیاسی صورتحال پر تفصیلی مشاورت کی گئی۔ذرائع کے مطابق ملاقات میں نگران وزیراعظم کے نام کے حوالے سے بھی مشاورت کی گئی ۔وزیراعظم آفس کے میڈیا ونگ سے جاری کردہ بیان کے مطابق ملاقات میں وفاقی وزیر خزانہ محمد اسحاق ڈار اور وفاقی وزیر برائے اقتصادی امور سردار ایاز صادق بھی موجود تھے۔
