فلاح عامہ کے منصوبوں میں اعلیٰ معیار پر کوئی سمجھوتہ نہیں کروں گا’سردار عثمان بزدار

0
236

سرگودھا(این این آئی)وزیراعلیٰ سردارعثمان بزدار نے کہا کہ جنوبی پنجاب کے پسماندہ علاقوں میں پہلی بار حقیقی ترقی کا سفر تیزی سے جاری ہے اورعوام کی فلاح وبہبود کے لئے اربوں روپے کے منصوبے شروع کئے ہیں ـزرائع کے مطابق وزیراعلی پنجاب سردار عثمان بزدار نے اعلی سطحی اجلاس کی صدارت کرتے ہوئے کہا کہ فلاح عامہ کے منصوبوں میں اعلیٰ معیار پر کوئی سمجھوتہ نہیں کروں گا اورفلاح عامہ کی ہر سکیم کی تھرڈ پارٹی مانیٹرنگ ہوگیـانہوں نے کہا کہ ترقیاتی منصوبوں میں کوالٹی کو ہر صورت یقینی بنایا جائےـاس سلسلہ میں عوامی شکایات کی انکوائری ہوگی اور ذمہ دارافسروں کوسزا ملے گیـعثمان بزدار نے کہا کہ ہم قومی وسائل کے امین ہیں، خیانت کرنے والوں کو کسی صورت معاف نہیں کروں گاـ عوامی منصوبوں کے لئے جاری فنڈز کو بروقت استعمال کیا جائےـمنصوبوں میں بلا جواز تاخیر کسی بھی قیمت پر قابل قبول نہیں ـانہوں نے افسران پر زور دیا کہ منصوبوں میں شفافیت کو یقینی بنانے کے لئے دفاتر سے باہر نکلیں اور فیلڈ میں جا کر خود کاموں کا جائزہ لیں ـانہوں نے کہاکہ زبانی جمع خرچ نہیں چلے گا، کام کر کے دکھانا ہوگاـترقیاتی منصوبوں میں بے ضابطگیاں کرنے والے افسروں اور عملے کے خلاف وزیراعلیٰ شکایت سیل انکوائری کرے گا