سرینگر(این این آئی)غیر قانونی طور پر بھارت کے زیر قبضہ جموں و کشمیر میں بھارتی فوج نے جنوبی کشمیر کے ضلع شوپیاں میں ایک نوجوان کو گرفتار کر لیاہے۔کشمیر میڈیا سروس کے مطابق نوجوان کو جمعرات کی شام ضلع کے علاقے امام صاحب سے گرفتار کیا گیا۔ایک سینئر پولیس افسر نے دعویٰ کیا ہے کہ ضلع کے علاقے امام صاحب میں واقع فوجی کیمپ کے قریب ایک نوجوان نے ایس او جی اہلکاروں سے ہتھیار چھیننے کی کوشش کی اور فورسز نے فوری کارروائی کرتے ہوئے نوجوان کو کو موقع پر ہی گرفتار کر لیا ۔ادھربھارتی فوجیوں نے ضلع کپواڑہ کے علاقے ٹنگدار میں تلاشی کی کارروئی کے دوران اسلحہ اور گولہ بارود کا بڑا ذخیرہ برآمد کرنے کا دعویٰ کیا ہے۔دریں اثناء بھارت کے بدنام زمانہ تحقیقاتی ادارے این آئی اے نے بھارتی پیراملٹری اہلکاروں کے ہمراہ وادی کشمیر کے بارہمولہ، پلوامہ اور شوپیاں اضلاع میں متعدد گھروں پر چھاپے مارے اورمکینوں کو ہراساں کیا۔
