اسلام آباد (این این آئی)وزیراعظم محمد شہباز شریف سے سابق وزیرِ اعظم و سینیٹر سید یوسف رضا گیلانی اور رکن قومی اسمبلی علی موسی گیلانی نے ملاقات کی جس میں موجودہ ملکی سیاسی صورتحال پر تفصیلی گفتگو کی گئی ۔ وزیر اعظم آفس سے جاری اعلامیہ کے مطابق ملاقات میں یوسف رضا گیلانی نے وزیرِ اعظم کو ملک کے مشکل وقت میں شاندار قیادت فراہم کرنے اور ملکی معاشی صورتحال کی بہتری پر خراج تحسین پیش کیا۔ وزیر اعظم نے کہاکہ پاکستان پیپلز پارٹی نے حکومت کے ہر فیصلے میں ساتھ دیا جسکا بے حد مشکور ہوں۔ شہبازشریف نے کہاکہ اتحادیوں کے تعاون کے بغیر حکومت ملکی معیشت کی بحالی کا مشکل کام کبھی اکیلے نہ کر سکتی تھی۔
