کراچی(این این آئی)نسلہ ٹاور کیس کے ملزم سابق ڈی جی ایس بی سی اے منظورکاکا کے بیرون ملک جانے پر پابندی عائد کردی گئی ہے۔اینٹی کرپشن کورٹ سندھ نے نسلہ ٹاور کیس میں سابق ڈی جی ایس بی سی اے منظورکاکاکیبیرون ملک جانے پر پابندی عائد کردی۔شریک ملزم خیرمحمدڈاہری پربھی بیرون ملک جانے پرپابندی عائدکر دی گئی، وفاقی سیکریٹری داخلہ کو حکم دیا گیاہے کہ ملزمان کانام ای سی ایل میں شامل کیاجائے۔اینٹی کرپشن کورٹ نے ہدایت کی عدالت کی اجازت کے بغیرملزمان کانام ای سی ایل سے نہ نکالاجائے۔یاد رہے کہ دونوں ملزمان عدالتی ریمانڈ پر اس وقت جیل میں ہیں، ملزمان کی ضمانت خارج ہونے کے بعد اینٹی کرپشن نے انہیں گرفتار کیا تھا۔
