شمالی وزیرستان میں سکیورٹی فورسز کے آپریشن میں 2دہشتگرد ہلاک

0
262

راولپنڈی(این این آئی)شمالی وزیرستان کے علاقے رزمک میں سکیورٹی فورسز کے دہشتگردوں کے خلاف آپریشن میں فائرنگ کے تبادلے میں2دہشت گرد ہلاک ہو گئے۔آئی ایس پی آرکے مطابق سکیورٹی فورسز نے 14اور 15اگست کی درمیانی شب وزیرستان کے علاقے رزمک میں دہشت گردوں کی موجودگی کی خفیہ اطلاع پر آپریشن کیا۔آئی ایس پی آر کے مطابق سکیورٹی فورسز نے دہشت گردوں کے ٹھکانے کو گھیرے میں لیاجس کے بعد شدید فائرنگ کا تبادلے ہوا جس میں 2دہشت گرد ہلاک ہوگئے،مارے گئے دہشت گردوں کے قبضے سے اسلحہ اور گولہ بارود برآمد کرلیا گیا۔آئی ایس پی آر نے بتایاکہ مارے گئے دہشت گرد سکیورٹی فورسز کے خلاف دہشت گردی کی کارروائیوں،بھتہ خوری اور معصوم شہریوں کی ٹارگٹ کلنگ میں ملوث تھے۔آئی ایس پی آر کے مطابق علاقے میں دیگر ممکنہ دہشت گردوں کے خاتمے کیلئے کلیئرنس جاری ہے،علاقہ مکینوں نے آپریشن کو سراہتے ہوئے دہشت گردی کے خاتمے کیلئے بھرپور تعاون کا اظہار کیا۔