اسلام آباد (این این آئی)سابق وفاقی وزیر شیریں مزاری کی بیٹی ایمان مزاری کی درخواستِ ضمانت پر سماعت بغیر کارروائی ملتوی کر دی گئی۔اسلام آباد کی انسداد دہشت گردی عدالت میں ڈیوٹی جج راجہ جواد عباس نے درخواستِ ضمانت پر سماعت کی۔اے ٹی سی جج ابوالحسنات ذوالقرنین کی رخصت کے باعث سماعت ڈیوٹی جج نے کی۔ڈیوٹی جج راجہ جواد عباس نے سماعت بغیر کارروائی 28 اگست تک ملتوی کر دی۔عدالت نے 28 اگست کو ایمان مزاری کی درخواستِ ضمانت پر دلائل طلب کر لیے۔واضح رہے کہ 24 اگست کو بغاوت، دھمکانے اور اکسانے کے کیس میں اسلام آباد کی انسداد دہشت گردی عدالت نے ایمان مزاری اور علی وزیر کو جوڈیشل ریمانڈ پر اڈیالہ جیل بھیج دیا تھا۔عدالت نے ایمان مزاری اور علی وزیر کو 14 روزہ جوڈیشل ریمانڈ پر اڈیالہ جیل بھیجا ہے۔
